ຂປລ
ຄະນະລັດຖະບານໄທ ໄດ້ອະນຸມັດດຳລັດສຸກເສີນ ກ່ຽວກັບ ການມອບສິດໃຫ້ກະຊວງການເງິນ ສະເໜີຂໍກູ້ຢືມເງິນບໍ່ເກີນ 400 ຕື້ບາດ ຫລື ປະມານ 12 ຕື້ກວ່າໂດລາສະຫະລັດ,ເພື່ອຮັບມືກັບ ວິກິດພະລັງງານ ທີ່ເກີດຈາກການປະທະກັນ ຢູ່ຕາເວັນອອກກາງ ແລະ ເພື່ອຊຸກຍູ້ການຫັນປ່ຽນ ດ້ານພະລັງງານຂອງປະເທດ.
ຂປລ.ວິທະຍຸ-ໂທລະພາບ ສູນກາງຈີນ,ວັນທີ 5 ພຶດສະພານີ້,ທ່ານ ອະນຸທິນ ຊານວີຣະກຸນ,ນາຍົກ ລັດຖະມົນຕີໄທ ໄດ້ກ່າວວ່າ: ຄະນະລັດຖະບານໄທ ໄດ້ອະນຸມັດດຳລັດສຸກ ເສີນກ່ຽວກັບ ການມອບສິດໃຫ້ກະຊວງການເງິນ ສະເໜີຂໍກູ້ຢືມເງິນບໍ່ເກີນ 400 ຕື້ບາດ ຫລື ປະມານ 12 ຕື້ກວ່າໂດລາສະຫະລັດ,ເພື່ອຮັບມືກັບ ວິກິດພະລັງງານ ທີ່ເກີດຈາກ ການປະທະ ກັນ ຢູ່ຕາເວັນອອກກາງ ແລະ ເພື່ອຊຸກຍູ້ການຫັນປ່ຽນ ດ້ານພະລັງງານຂອງປະເທດ.ທ່ານ ອະນຸທິນ ຊານວີຣະກຸນ ໄດ້ກ່າວຕໍ່ສື່ມວນຊົນ ພາຍຫລັງ ກອງປະຊຸມ ຄະນະລັດຖະບານວ່າ: ການປະທະກັນຢູ່ພາກພື້ນຕາເວັນອອກກາງ ສົ່ງຜົນກະທົບ ຢ່າງໜັກໜ່ວງ ຮຸນແຮງຕໍ່ລາຄາພະລັັງງານ ແລະ ການເຄື່ອນໄຫວທາງເສດຖະກິດຂອງໂລກ. ວິກິດຄັ້ງນີ້ ເລີ່ມຕົ້ນຈາກລາຄາພະລັງງານ,ແຜ່ຂະຫຍາຍໄປເຖິງ ລາຄາອາຫານ ແລະ ພວມເຮັດໃຫ້ຄ່າຄອງຊີບ ຂອງປະຊາຊົນໄທ ສູງຂຶ້ນກວ່າເກົ່າ ຢ່າງຮອບດ້ານ. ສະນັ້ນ,ລັດຖະບານໄທ ຈຳເປັນຕ້ອງດຳເນີນການໃນທັນທີດ້ວຍການປະກາດ ດຳລັດສຸກເສີນ ເພື່ອຮັບມືກັບ ສະພາບການທີ່ເກີດຂຶ້ນ./.
(ບັນນາທິການຂ່າວ:ຕ່າງປະເທດ) ຮຽບຮຽງ ຂ່າວໂດຍ:ສະໄຫວ ລາດປາກດີ
微信扫一扫 立即联系我们
简体中文
