چھانگامانگا(ڈیلی پاکستان آن لائن) تیز رفتار فیکٹری بس کی رکشےکو ٹکر کے نتیجے میں نویں جماعت کا پرچہ دینے کے لیے جانے والی 2 طالبات جاں بحق ہو گئیں جبکہ 5 دیگر طالبات سمیت 6 افراد زخمی ہو گئے۔
نجی ٹی وی چینل جیو نیوز کے مطابق ریسکیو حکام کا کہنا ہے کہ طالبات رکشے میں نویں جماعت کا امتحان دینے سینٹر جا رہی تھیں کہ اس دوران فیکٹری بس نے ان کے رکشے کو ٹکر مار دی۔
حکام نے بتایا کہ حادثے میں 7 طالبات سمیت 8 افراد زخمی ہوئے، بیشتر طالبات کے سروں پر چوٹیں آئیں، زخمی 4 طالبات کی حالت تشویشناک بنائی جا رہی تھی جنہیں جناح ہسپتال لاہور ریفر کر دیا گیا۔
بعد ازاں ہسپتال انتظامیہ نے بتایا کہ علاج کے لیے لائی گئیں 2 زخمی طالبات دم توڑ گئیں، جاں بحق طالبات کی شناخت ایمن فاطمہ اور مبشرہ کے ناموں سے ہوئی ہے۔
微信扫一扫 立即联系我们
简体中文
