ماسکو(ڈیلی پاکستان آن لائن )روسی ارب پتی الیکسے مورداشوف کی بیش بہا قیمت لگژری سپر یاٹ ’نورڈ‘ کو دبئی میں مرمت کے بعد آبنائے ہرمز عبور کرکے عمان پہنچا دی گئی۔
بی بی سی کے مطابق آبنائے ہرمز سے گزرنے کے دوران نہ تو ایران کی پاسداران انقلاب اور نہ ہی ناکہ بندی پر مامور امریکی اہلکاروں نے اسے روکا۔
روسی صدر پیوٹن کے قریبی سمجھے جانے والے ارب پتی الیکسی مورداشوف باضابطہ طور پر روسی پرچم بردار کشتی کے مالک کے طور پر درج نہیں ہیں۔ تاہم، “نورڈ” کے ریکارڈ سے ظاہر ہوتا ہے کہ یہ 2022 میں ایک ایسی کمپنی کے نام رجسٹر تھی جو ان کی اہلیہ کی ملکیت ہے۔
دوسری جانب امریکی حکام نے بتایا کہ یہ یاٹ نہ تو ایرانی بندرگاہوں پر گئی اور نہ ہی اس کا ایران سے کوئی تعلق تھا۔ اس لیے آبنائے ہرمز کی ناکہ بندی کے باجود اسے جانے دیا گیا۔اس وقت روسی ارب پتی کی یہ قیمتی کشتی عمان کے ساحل پر موجود ہے۔
微信扫一扫 立即联系我们
简体中文
