’’امریکہ کا ’’خصوصی تعلق‘‘برطانیہ کے ساتھ نہیں اسرائیل کے ساتھ ہے‘‘، برطانوی سفیر کی آڈیو لیک ہوگئی

لندن(ڈیلی پاکستان آن لائن)امریکہ میں برطانیہ کے سفیر سر کرسچن ٹرنر نے ایک لیک ہونے والی آڈیو میں کہا ہے کہ موجودہ عالمی صورتحال میں امریکہ کا ’’خصوصی تعلق‘‘ برطانیہ کے ساتھ نہیں بلکہ ممکنہ طور پر صرف اسرائیل کے ساتھ رہ گیا ہے۔

برطانوی اخبار’’ فنانشل ٹائمز ‘‘کی رپورٹ کے مطابق سفیر نے اعتراف کیا کہ امریکہ اور برطانیہ کے درمیان دفاع، معیشت اور سیکیورٹی کے شعبوں میں اب بھی قریبی تعاون موجود ہے تاہم یہ تعلق ماضی جیسا نہیں رہا اور عالمی حالات کے مطابق تیزی سے تبدیل ہو رہا ہے۔

ماہرین کے مطابق یہ بیان ایسے وقت میں سامنے آیا ہے جب عالمی سیاست میں تیزی سے تبدیلیاں آ رہی ہیں اور مغربی اتحاد کے مستقبل پر سوالات اٹھ رہے ہیں۔