میانوالی میں اربوں روپے کے سونا چوری سکینڈل کا معاملہ رکن اسمبلی علی حیدر نور خان نے اٹھا دیا، انکوائری مائنز اینڈ منرل کمیٹی کے سپرد

لاہور (ویب ڈیسک) میانوالی کے علاقے میں اربوں روپے کے سونا چوری سکینڈل کا معاملہ نوجوان رکن اسمبلی علی حیدر نور خان نےا ٹھا دیا اور مطالبہ کیا ہے کہ میانوالی میں اربوں روپے کے سونا چوری میں ملوث آر پی او سمیت دیگر بیوروکریٹ کے خلاف انکوائری کی جائے,یہ ریاست کا اثاثہ تھا لیکن انتظامیہ اور پولیس مشینری کی ملی بھگت سے لوٹ مار کی گئی، 63 مقدمات درج ہوئے لیکن کوئی ریکوری نہیں ہوئی، متعلقہ علاقے سے رکن اسمبلی اقبال خٹک نے بتایاکہ مقدمات صرف ان لوگوں کیخلاف درج ہوئے ہیں جو بھتہ نہیں دیتے تھے، ہفتہ وار چار پانچ کروڑ روپے مختلف لوگوں کے پاس پہنچ رہے تھے، اراکین اسمبلی کے آواز اٹھانے پر سپیکر نے معاملہ "مائنز اینڈ منرل کمیٹی کو ریفر کرنے کا فیصلہ سنادیا۔