امریکی نائب صدر جے ڈی وینس کا دورہِ پاکستان منسوخ ہو گیا: وائٹ ہاؤس کی تصدیق

واشنگٹن(ڈیلی پاکستان آن لائن)وائٹ ہاؤس نے تصدیق کی ہے کہ امریکی نائب صدر جے ڈی وینس کا امن مذاکرات کے سلسلے میں مجوزہ دورہِ پاکستان منسوخ کر دیا گیا ہے۔

جے ڈی وینس اس ماہ دوسری مرتبہ اسلام آباد کا دورہ کرنے والے تھے اور آج ان کی آمد متوقع تھی۔

بی بی سی اردو کے مطابق وائٹ ہاؤس انتظامیہ کے ایک عہدیدار کے مطابق امریکی نائب صدر کے دورہِ پاکستان اور امن مذاکرات سے متعلق تفصیلات وائٹ ہاؤس کی جانب سے ہی جاری کی جائیں گی۔

امریکی نائب صدر کے دورہِ پاکستان کی منسوخی کی یہ خبر ایک ایسے وقت میں سامنے آئی ہے کہ جب اس سے قبل صدر ٹرمپ نے اعلان کیا تھا کہ انھوں نے واشنگٹن اور تہران کے درمیان جنگ بندی کو غیر معینہ مدت تک بڑھانے کی پاکستانی درخواست منظور کر لی ہے۔