امیر قطر اور جاپانی وزیراعظم میں ٹیلیفونک رابطہ، پاکستان کی ثالثی کی کوششوں کی حمایت کا اعادہ

دوحہ ( مانیٹرنگ ڈیسک ) قطر کے امیر شیخ تمیم بن حمد الثانی کی جاپانی وزیراعظم سے ٹیلیفون پر گفتگو ہوئی۔

دوحہ سے عرب میڈیا کے مطابق اس موقع پر دونوں رہنماؤں نے آبنائے ہرمز کو کھولنے کے لیے جامع معاہدے تک پہنچنے کی اہمیت پر زور دیا۔ دونوں رہنماؤں نے اتفاق کیا کہ آبنائے ہرمز میں حالات معمول پر آنے سے توانائی مارکیٹ سمیت علاقائی اور عالمی معیشت مستحکم ہوگی۔ دوطرفہ تعاون اور تعلقات کے فروغ پر بھی اتفاق کیا گیا۔

عرب میڈیا کے مطابق وزیراعطم نے جاپانی باشندوں کی حفاظت کے لیے قطری حکومت کے اقدامات کو سراہا اور کہا کہ خطے میں امن و استحکام کے لیے قطر کا کردار قابل تحسین ہے۔دونوں رہنماؤں نے پاکستان کی ثالثی کی کوششوں کے لیے حمایت کا اعادہ کیا۔