خواتین کو ہراساں کرنے والوں کے لئے زیروٹالرنس ہے،مریم نواز

لاہور(ڈیلی پاکستان آن لائن)وزیراعلیٰ پنجاب مریم نواز نے کہا کہ خواتین کو ہراساں کرنے والوں کے لئے زیروٹالرنس ہے۔ والدین سے کہتی ہوں کہ ہراسمنٹ کے معاملے میں ہمیشہ اپنی بیٹی کا ساتھ دیں۔ خواتین کے لئے آن لائن ہراسگی کے لئے سسٹم تشکیل دیا جارہا ہے۔

تفصیلات کے مطابق وزیراعلیٰ پنجاب مریم نواز نے لاہور کالج فارویمن یونیورسٹی کے 21 ویں کانووکیشن سے خطاب کرتے ہوئے کہاکہ ہونہارسکالر شپ اور لیپ ٹاپ کی تقریب کے سلسلے میں بہت سے یونیورسٹیوں میں گئی ہوں۔لاہور کالج فارویمن یونیورسٹی میں کی تقریب میں شرکت میرے لیے باعث فخر ہے۔ لاہور کالج فارویمن یونیورسٹی سے میری بہت سی یادیں وابستہ ہیں۔ لاہور کالج فارویمن یونیورسٹی سے انگلش میں ماسٹر کی ڈگری حاصل کی۔