Тегеран АҚШ-тың бейбітшілік ұсынысына жауап ретіндегі талаптар жариялады

itemprop="image" itemscope itemtype="http://schema.org/ImageObject">

Иранның АҚШ-тың бейбітшілік туралы ұсынысына берген жауабында АҚШ блокадасын алып тастау және иран активтерін бұғаттан шығару туралы тармақтар бар. Бұл туралы дүйсенбі,11 мамырда өткен брифингте Иран Сыртқы істер министрлігінің ресми өкілі Исмаил Багаи мәлімдеді,- деп хабарлайды Tengrinews.kz тілшісі РИА Новости басылымына сілтеме жасап.

"Біздің талаптарымыз заңды. Соғысты тоқтату,блокада мен қарақшылықты доғару,АҚШ-тың қысымымен банктерде негізсіз бұғатталған Иран активтерін қайтару туралы талаптар қойылды. Ормуз бұғазындағы кеме қатынасының қауіпсіздігін қамтамасыз ету,сондай-ақ,аймақтағы және Ливандағы қауіпсіздікті орнату да Иранның талаптарының қатарында болды",— деді ол.

Багаидің айтуынша,Тегеран болашақта ядролық мәселе бойынша АҚШ-пен келіссөздер жүргізу мүмкіндігін жоққа шығармайды және уақыты келгенде оны талқылауға дайын.

"Қазір біздің басты назарымыз соғысты тоқтатуға бағытталған. Ядролық мәселе,иранның ядролық материалдары мен уранды байытуға қатысты мәселелер бойынша кейінірек қандай шешімдер қабылданатынын және қандай нұсқаларды қарастыратынымызды уақыты келгенде міндетті түрде талқылаймыз",— деді Иран СІМ өкілі.